MC PITONAN

Assalamualaikum warahmatullahi wabarakatuh

Bismillahirrahmanirrahim, Alhamdulillahirobbil Alamin, wabihi nastain wa’ala umuriddunia wa din. Wassolatu wassalamu ala Sayyidina Wamaulana Muhammadin wa’ala alihi wasyohbihi ajma’in amma ba’du.

 

Almukarrom poro alim, poro kyai soho poro ustadz

Ingkang kawulo mulyaaken poro sesepuh, pini sepuh lan aji sepuh ing tlatah dusun setono pundung mriki, 

Ingkang kawula hormati Bapak Rosyidin Soho Ibu Siti Na’imah ingkang kagungan hajat niat inggih puniko mitoni yoganipun ingkang paring asma Muhammad Brian Azzaidan ingkang sampun usia 7 bulan saking lahiripun. 

Lan ingkang kawulo mulyaaken segenap tamu undangan soho grup sholawat sekar wangi saking tlatah Karangrejo, Kabupaten Tulungagung.

 

Sepindah, sumangga sareng-sareng ngaturaken puji syukur dumateng Gusti Allah, kanthi rahmat hidayahipung kito saget makempal wonten dalem pak Rosyidin sak keluargi kanti keadaan sehat wal ‘afiyat mboten wonten kekirangan setunggal punopo monggo kito ngucap “alhamdulillahirabbil’alamiiin”

 

Saklajengipun, salawat ugi salam mugi tansah katur kunjuk dumateng nabiyullah Muhammad SAW ingkang dados uswatun hasanah, mugi-mugi, kito pikantuk syafaatipun benjang ing yaumil qiyamah, aamiiin allahumma aamiiiin.

 

Poro rawuh tamu undangan ingkang berbahagia, acara kaping pisan inggih puniko pambuko, kaping kalihipun waosan qiroatil qur’an, kaping tigo inggih puniko waosan barjanji, kaping sekawan waosan sholawat saking grub sholawat sekar wangi, kaping gangsal waosan asroqol lan nyukur rambut saking Muhammad Brian Azzaidan ingkang terakhir doa lan penutup.

 

Moggo kito bikak sesarengan adicoro dalu puniko kanti waosan ummul Qur’an.

‘Ala hadihinniyah wabi syafa’ati Rosulillah wakulli niyatin sholih wa hajatina wahajatikum syaiulana lahumul fatihah …..

 

Saklajengipun waosan qiroatil qur’an saking grup sholawat sekar wangi, ingkang kajibah wekdal soho sasono nyumanggaaken.

 

Saklajengipun waosan barjanji lan waosan sholawat saking grub sholawat sekar wangi. Sollu’alan nabii Muhammad..

 

Poro rawuh tamu undangan ingkang kawulo mulyaaken, ndungkap adicoro ingkang terakhir doa, kasuwun barokah doa saking bapak kyai….. wekdal soho sasono nyumanggaaken.

 

Poro rawuh tamu undangan ingkang kawulo hormati, alhamdulillahirabbil’alamiin adicoro sampun kalampahan kanti lancar. Mugi sedoyo rangkaian adicoro ing dalu puniko saget mbeto barokah, manfaat khususipun damel Muhammad Brian Azzaidan ingkang di pitoni, lan lumeberipun damel kulo dalah panjenengan sami, aamiiin allahumma aamiiin.

 

Kulo minangkani pranoto adicoro nyuwun agunging sih samudro pangaksami mbok bilih wonten klenta klentunipun atur, cekap semanten saking kawulo. Wassalamu’alaikum warahmatullahi wabarokatuh.